வளர்ந்த பிள்ளைகள் வாந்தி எடுப்பது பெற்றோர்களுக்கு கவலை அளிக்க கூடிய ஒன்றாக இருக்கும். சில குழந்தைகளுக்கு காய்ச்சலுடன் வாந்தி பிரச்சனை இருக்கலாம். சில குழந்தைகளுக்கு காய்ச்சல் இல்லாமல் வாந்தி மட்டுமே கூட இருக்கலாம். இவை என்ன காரணங்களுக்காக உண்டாகிறது. இவை ஆபத்தானதா அல்லது சாதாரணமாக உண்டாகிறதா என்பது குறித்து இந்த கட்டுரையில் தெரிந்துகொள்வோம்.
காய்ச்சல் நேரங்களில், வயிற்று கோளாறுகள் இருக்கும் போது குழந்தைகள் வாந்தி எடுப்பது இயல்பானது. ஆனால் காய்ச்சல் இல்லாத நிலையில் குழந்தைகள் தொடர்ந்து வாந்தி எடுப்பது வேதனையான ஒன்றாக இருக்கலாம். குழந்தைகள் திடீர் என்று வாந்தி எடுக்க என்ன காரணம்? அவர்கள் சாப்பிட்டதில் ஏதேனும் கோளாறு உள்ளதா? காய்ச்சல் இல்லாமல் வாந்தி எடுப்பது ஆபத்தானதா? வாந்திக்கான காரணங்கள் என்ன என்பதை இங்கு தெரிந்துகொள்வோம்.
உணவு விஷம் வாந்தியை உண்டு செய்யுமா?
மாசுபட்ட உணவு, சுகாதாரமற்ற முறையில் சமைத்த உணவுகள் வாந்தியை உண்டு செய்யலாம். ஏனெனில் சரியாக சமைக்காத, சுத்தம்செய்யாத உணவில் சால்மோனெல்லா, ஈ. கோலை அல்லது ஸ்டேஃபிளோகோகஸ் போன்ற பாக்டீரியாக்கள் உணவில் நச்சுகளை உருவாக்கலாம். இந்த பாதிப்பு ஏற்பட்டால் சாப்பிட்ட சில மணி நேரங்களுக்குள் அவை வாந்தியாக வெளியேறலாம். இது ஒருநாள் வரை இருக்கலாம்.
உணவு ஒவ்வாமை இருந்தால் வாந்தியை உண்டு செய்யுமா?
பால் பொருள்கள், முட்டைகள், மட்டி, கொட்டைகள் குறிப்பாக வேர்க்கடலை போன்றவற்றில் உள்ள புரதங்கள் சில குழந்தைகளுக்கு ஒவ்வாமை உண்டு செய்யலாம். உணவு ஒவ்வாமையால் வாந்தியாக இருந்தால் வீக்கம், சுவாசிப்பதில் சிரமம் போன்ற அறிகுறிகளும் உடன் படை நோய், அரிப்பு, வீக்கம், சுவாசிப்பதில் சிரமம் போன்றவற்றையும் உண்டு செய்யும். குழந்தைகள் அடிக்கடி வாந்தி உணர்வு கொண்டிருந்தால் குறிப்பிட்ட உணவை தவிர்ப்பதோடு உடனடியாக மருத்துவ சிகிச்சை அளிப்பதும் முக்கியம்.
இரைப்பை அழற்சி என்னும் வயிற்று காய்ச்சல் வாந்தியை உண்டு செய்யுமா?
காரமான கொழுப்பு நிறைந்த அல்லது அமிலத்தன்மை கொண்ட உணவுகளை சாப்பிடுவது இரைப்பை அழற்சியை உண்டு செய்யலாம். வைரஸ் இரைப்பை குடல் அழற்சி வயிற்றுப்புறணியை எரிச்சலடைய செய்யலாம். வயிற்றுக் காய்ச்சலின் பொதுவான அறிகுறியாக வெளிப்படுவது வாந்தியே. இது குமட்டல் மற்றும் வாந்தி உண்டு செய்யும். இந்நிலையில் பலரும் வயிற்றுப்போக்கு அல்லது வயிற்று வலியும் சேர்த்து உணர்வார்கள்.
நீரிழப்பு குழந்தைகளுக்கு வாந்தி உண்டு செய்யுமா?
காய்ச்சல் இல்லாத நிலையில் குழந்தைகளுக்கு வாந்தி உண்டாகலாம். நீர்ச்சத்து குறைபாடு வாந்தி உண்டு செய்யும். வெப்பமான வானிலை மற்றும் பசியின்மை போன்றவற்றால் குழந்தைகள் போதுமான நீர்ச்சத்து பெறமுடியாமல் போகும் போது நீரிழப்பு உண்டாகலாம். உடல் சமநிலை இல்லாமல் அதை பராமரிக்க போராடும் போது வாந்தி உண்டாகலாம். இந்த அறிகுறிகள் மோசமடைவதை தடுக்க குழந்தைகளை நீரேற்றமாக வைத்திருப்பது நல்லது.
குழந்தைகளுக்கு காது தொற்று இருந்தால் வாந்தி உண்டு செய்யுமா?
காது தொற்று என்பதை சொல்லும் அறிகுறியே வாந்தி என்று சொல்லலாம். சில குழந்தைகளுக்கு இந்த தொற்று காரணத்தினால் வாந்தி இருக்கலாம். காது இழத்தல், எரிச்சல் அல்லது தூங்குவதில் சிரமம் போன்றவையும் கவனிக்க வேண்டிய அறிகுறிகளாக இருக்கும். நடுத்தர காது தொற்றுகள் காதில் அழுத்தம் அதிகரிப்பதால் குமட்டல் மற்றும் வாந்தி உண்டு செய்யலாம். வாந்தி இருக்கும் போது காது வலி உள்ளதா என்பதை கவனியுங்கள்.
குழந்தைகளுக்கு மன அழுத்தம் இருந்தால் வாந்தி வரும்
வளரும் குழந்தைகளுக்கு கூட மன அழுத்தம் இருக்கலாம். பதட்டம் இருக்கலாம். இந்த உளவியல் காரணிகள் குழந்தைகளிடையே வாந்தியை தூண்டலாம். வளரும் பிள்ளைகளுக்கு பள்ளியில் பயம் பதட்டம் இருக்கலாம். சமூக அழுத்தங்கள் அல்லது பிற சவால்களும் கூட இதற்கு காரணமாக இருக்கலாம். இதனால் வயிறு எதிர்வினையாற்றக்கூடும். இந்த வகையான வாந்தி பெரும்பாலும் தற்காலிகமானது. மன அழுத்தத்தை ஏற்படுத்தலாம்.
குழந்தைகளுக்கு மருந்துகள் பிரச்சனையால் வாந்தி வருமா?
குழந்தைகளுக்கு மருந்துகள் இருந்தால் வயிற்றில் எரிச்சலை உண்டு செய்யும். இதன் பக்கவிளைவாகவே வாந்தி உண்டாகிறது. நுண்ணுயிர் எதிர்ப்புகள் சில குழந்தைகளுக்கு குமட்டலை ஏற்படுத்துவதாக இருக்கும். குழந்தைகள் வாந்தி எடுத்தால் சமீபத்தில் புதிய மருந்து உட்கொண்டார்களா என்பதை பெற்றோர்கள் கவனிக்க வேண்டும்.
குழந்தைகளுக்கு குடல் அடைப்புகள் இருந்தால் வாந்தி உண்டாகுமா?
குடல் முறுக்குதல் (வால்வுலஸ்) அல்லது (பைலோரிக் ஸ்டெனொசிஸ்) வயிற்று வெளியேற்றம் குறுகுதல் போன்ற கடுமையான நிலை குழந்தைகளுக்கு வாந்தி உண்டு செய்யலாம். மேலும் வயிற்று வலி வீக்கம் அல்லது மலச்சிக்கலும் சேர்ந்து இருக்கலாம். இதற்கு அவசர கவனிப்பு தேவை.
இறுதியாக
குழந்தைகளுக்கு காய்ச்சல் இல்லாமல் ஏன் வாந்தி வருகிறது என்பதற்கான காரணங்களை இங்கு அறிந்துகொண்டோம். வாந்தியுடன் தென்படும் இதர அறிகுறிகள் பொறுத்து அவற்றை துல்லியமாக கண்டறிந்து சிகிச்சை பெற மருத்துவரை அணுகுவது பாதிப்பை தடுக்க செய்யும்.