பெண்களே, எலும்பு வலி, மூட்டுவலி பிரச்சனையால் அவதியா? தினமும் இந்த விஷயங்கள் செய்தாலே கட்டுப்படுத்திடலாம்!

வயதாகும் போது இயல்பாகவே மூட்டுவலி வருவது இயற்கையானது. ஆனால் இது ஆண்களை விட பெண்களிடம் அதிகமாக பார்க்கலாம். குறிப்பாக ஆர்த்ரைட்டிஸ் பாதிப்பு இருக்கும் போது அன்றாட வாழ்க்கையை நகர்த்துவதே சிரமமாக இருக்கலாம். பெண்கள் தங்கள் இயக்கத்தை பராமரிக்கவும் வலி உணர்வை குறைக்கவும் என்ன செய்ய வேண்டும் என்பதை இங்கு தெரிந்துகொள்வோம்.

பெண்களுக்கு மாதவிடாய் சுழற்சி நிற்கும் நிலையில் ஈஸ்ட்ரோஜன் குறையும் நிலை உண்டாகும். இந்த ஹார்மோன் மாற்றங்கள் அசெளகரியத்தை உண்டு செய்யும் போது அது எலும்புகளில் அதிக பாதிப்பை உண்டு செய்யும். இதனால் மூட்டுகளில் வலி, விறைப்பு, வீக்கம் போன்ற பாதிப்பை எதிர்கொள்வார்கள். அதோடு சுறுசுறுப்பான வாழ்க்கை முறையை எதிர்கொள்வதிலும் சவாலாக இருக்கும். இதை தவிர்க்க பெண்கள் இளவயது முதலே எலும்பு தேய்மானம், மூட்டு வலி, மூட்டு சேதம் போன்றவற்றை தவிர்க்க அன்றாட வாழ்க்கையில் செய்ய வேண்டியது என்ன என்பதையும் வலி இருக்கும் பெண்கள் என்ன செய்ய வேண்டும் என்பதையும் இங்கு பார்க்கலாம்.

பெண்கள் கீல்வாதம் குறைய எடுத்துகொள்ள வேண்டிய உணவுகள்

ஆரோக்கியமான உணவுகள் எடுக்கும் போது வைட்டமின்கள், தாதுக்கள், ஆக்ஸிஜனேற்றிகள் மற்றும் பிற ஊட்டச்சத்துக்கள் நிறைந்த உணவுகள் சேர்க்க வேண்டும். மீன், பருப்பு வகைகள், ஆலிவ் எண்ணெய், பழங்கள், காய்கறிகள் கொண்ட சமச்சீரான உணவுகள் எடுக்க வேண்டும். குறிப்பாக ஒமேகா 3 கொழுப்புகள் கொண்ட உணவுகள் கீல்வாதம், முடக்கு வாதம் போன்ற சில வகையான மூட்டுவலியுடைய வீக்கத்தை குறைக்க உதவுகிறது. ஒமேகா 3 கொழுப்பு அமிலங்கள் கொண்ட உணவுகளும் சேர்க்கலாம். இந்த சமச்சீரான உணவு எடையை குறைப்பதோடு ஆற்றல் மட்டங்களை அளிக்கிறது. மூட்டுவலி அறிகுறிகளை மேம்படுத்துகிறது.

பெண்கள் மூட்டு வலி நிர்வகிக்க குளிர்ந்த அல்லது வெப்ப ஒத்தடம்

பெண்களுக்கு கீல்வாதம் இருந்தால் மூட்டு வலி, மூட்டுகளின் இணைப்பு போன்ற வலி, விறைப்பு, அழற்சி உபாதைகள் குறைய வலி உணர்வு இருந்தால் நாள் ஒன்றுக்கு இரண்டு முறை வெப்பமான திண்டுகள் அல்லது ஐஸ் கட்டிகள் பயன்படுத்த வேண்டும். அமெரிக்க வாதவியர்ல் கல்லூரியில் கூற்றுப்படி மூட்டு வலிகள் தொடங்கிய 48 மணி நேரத்துக்குள் வலி இருக்கும் பகுதியில் 5 முதல் 10 நிமிடங்கள் மசாஜ் செய்வது நிவாரணம் அளிக்க செய்யும் என்கிறது. இந்த ஒத்தடம் தசைகளை தளர்த்தி வெப்பத்தை உண்டு செய்யும். இதனால் வலி உணர்வு குறையும்.

பெண்கள் கீல்வாதம் அறிகுறிகள் குறைய சப்ளிமெண்ட் எடுக்கலாமா?

பெண்கள் மூட்டு வலி, விறைப்பு, அழற்சி நிலை அறிகுறிகள் இருக்கும் போது சில சப்ளிமெண்ட்ஸ் உதவும். கீல்வாதத்துக்கு பயன்படுத்தப்படும் சப்ளிமெண்ட்டுகள் குறித்து பல சொல்லப்பட்டாலும் அவற்றை தனித்து எடுக்க கூடாது. மருத்துவரின் அறிவுரையோடு எடுத்துகொள்ளும் போது அவை பக்கவிளைவுகள் இல்லாமல் பாதுகாப்பாக இருக்கும். எனினும் இதை தனித்து பயன்படுத்தாமல் மூட்டுவலி மருந்துகளுக்கு துணை பொருளாக பயன்படுத்தலாம். இது மூட்டு சேதத்தை மெதுவாக்குகிறது.

பெண்கள் மூட்டு வலியுடன் உடல்பயிற்சி செய்யலாமா?

மூட்டு வலி இருந்தால் உடல்பயிற்சி செய்வது நல்லது. குறிப்பாக ஆர்த்ரைட்டிஸ் அல்லது கீல்வாதம் உள்ளவர்களுக்கு இது முக்கியமானது. மூட்டுகளில் வலி, விறைப்பு மற்றும் அசெளகரியமான உணர்வு போன்றவற்றை குறைக்க செய்யும். மூட்டுகளின் இயக்கத்தை மேம்படுத்தவும் தசை வலிமை அதிகரிக்கவும் , உடல் எடை கட்டுக்குள் வைக்கவும் இவை உதவும். இதுவரை உடல்பயிற்சி செய்யவில்லை என்றாலும் இனி செய்ய தொடங்கலாம். நாள் ஒன்றுக்கு 10 நிமிடங்கள் தொடங்கி படிப்படியாக நேரத்தை அதிகரிக்கலாம். குறிப்பாக நீச்சல், யோகா போன்றவை மூட்டுவலி இருப்பவர்களுக்கு சிறந்த ஒன்றாக சொல்லலாம். கீல் வாதம் இருப்பவர்கள் செய்ய வேண்டிய உடல்பயிற்சிகள் என்ன என்பதை பார்க்கலாம்.

கீல்வாதம் இருக்கும் பெண்கள் செய்ய வேண்டிய உடல்பயிற்சி

• ​நடைபயிற்சி: மூட்டுகளுக்கு ஆதரவான காலணிகள் அவசியம்
• சைக்கிள் ஓட்டுதல்: சைக்கிள் ஓட்டுவது மூட்டுகளை மென்மையாக வைக்கும்
• நீச்சல்: நீர் பயிற்சிகள் மூட்டு வலி மற்றும் அசெளகரியத்தை குறைக்கும்.
• யோகா:யோகா மூட்டு விறைப்பை குறைக்கலாம் ஒட்டுமொத்த செயல்பாட்டை மேம்படுத்தலாம்
• வலிமை பயிற்சி:வலிமை பயிற்சி தசைகளை வலுப்படுத்தி மூட்டுகளை உறுதிப்படுத்துகிறது.
• நீட்சி: தசைகளை நெகிழ்வாகவும் வலுவாகவும் ஆரோக்கியமாகவும் இருக்க நீட்சி செய்யலாம். ​

கீல்வாதம் இருக்கும் போது மருத்துவ சிகிச்சை தேவையா?

கண்டிப்பாக தேவை. வயது அதிகரிக்க அதிகரிக்க மேலும் தீவிரமாகலாம். இந்நிலையில் அறிகுறிகள் அதிகரிக்காமல் இருக்க வாழ்க்கை முறையில் கவனம் செலுத்துவது போன்று மருத்துவரை அணுகி அவ்வபோது ஆலோசிப்பதும் அவசியம்.

கீல்வாதம் என்னும் ஆர்த்ரைட்டிஸ் இருக்கும் பெண்கள் அறிகுறிகள் குறைய என்ன செய்யலாம், வாழ்க்கை முறையில் உணவு முறை, உடல்பயிற்சி குறித்தும் அறிந்துகொண்டோம். கீல்வாதம் இருக்கும் பெண்கள் சப்ளிமெண்ட் சுயமாக எடுக்காமல் மருத்துவரின் அறிவுரையுடன் எடுத்துகொள்வது நல்லது.