ரிலையன்ஸ் இண்டஸ்ட்ரீஸ் நிறுவனத்தின் பங்குகள் திங்கள்கிழமை (செப்டம்பர் 30) பெரிய சரிவைக் கண்டன. இது இந்திய பங்குச் சந்தையில் பெரும் பரபரப்பை ஏற்படுத்தியது.
ரிலையன்ஸ் இண்டஸ்ட்ரீஸ் நிறுவனத்தின் பங்குகள் 3.31 சதவீதம் சரிந்து ஒரு பங்கின் விலை ரூ.2,953.15 ஆக இருந்தது. கடந்த ஒரு மாதத்தில் ரிலையன்ஸ் நிறுவனத்தின் பங்குகள் 2.02 சதவீதம் சரிந்துள்ளன. இந்த சரிவுடன் சென்செக்ஸ் மற்றும் நிஃப்டி குறியீடு இரண்டும் அழுத்தத்திற்கு உள்ளாகின.
ரிலையன்ஸ் இண்டஸ்ட்ரீஸ் நிறுவனப் பங்குகள் பெருமளவில் சரிந்ததால், பங்குச்சந்தை நாள் முழுவதும் சிவப்பு நிறக் குறியீட்டியேயே வர்த்தகமானது. சென்செக்ஸ் 1272 புள்ளிகள் அல்லது 1.50 சதவீதம் சரிந்து 84,299 ஆகவும், நிஃடி 368.10 புள்ளிகள் அல்லது 1.41 சதவீதம் குறைந்து 25,810.85 ஆகவும் நிறைவடைந்தது. சந்தை மூலதனத்தின் அடிப்படையில் பார்த்தால் ரிலையன்ஸ் நிறுவனம் இந்தியாவின் மிகப்பெரிய நிறுவனமாகும். அதன் சந்தை மூலதனம் ரூ.19.31 லட்சம் கோடியாக உள்ளது. இதுபோன்ற சூழலில், ரிலையன்ஸ் நிறுவனத்தின் சரிவு ஒட்டுமொத்த சந்தையையும் பாதித்துள்ளது.
ரிலையன்ஸ் இண்டஸ்ட்ரீஸ் நிறுவனப் பங்குகள் வீழ்ச்சி அடைந்ததற்கு முக்கிய காரணம் லாப முன்பதிவு (Profit booking) என்று கூறப்படுகிறது. அதன் பங்குகளின் 52 வார உயர்வானது ரூ.3,217.60 ஆகவும், குறைந்த அளவு ரூ.2,220.30 ஆகவும் உள்ளது. கடந்த ஓராண்டில் ரிலையன்ஸ் இண்டஸ்ட்ரீஸ் பங்குகள் 27.52 சதவீதம் அளவுக்கு லாபம் கொடுத்துள்ளன. லாப முன்பதிவு காரணமாக, ரிலையன்ஸ் பங்குகள் 3 சதவீதம் சரிந்துள்ளன. இதன் விளைவு ஒட்டுமொத்த பங்குச் சந்தையிலும் காணப்பட்டது.