காப்பீட்டுத் துறையில் நூறு சதவீதம் அன்னிய நேரடி முதலீட்டை அனுமதிக்கும் சட்டத்திருத்த மசோதா விரைவில் நாடாளுமன்றத்தில் தாக்கல் செய்யப்படலாம். இதற்கான வரைவு மசோதா தயாராக உள்ளது.
புது டெல்லி: காப்பீட்டுத் துறையில் 100% அன்னிய நேரடி முதலீட்டை அனுமதிக்க மசோதா விரைவில் நாடாளுமன்றத்தில் தாக்கல் செய்யப்படலாம். இந்த மசோதா மூலம் காப்பீட்டுத் துறையில் அதிக முதலீடு செய்ய முடியும். இந்த மசோதா ஜூலை மாதம் தொடங்கவுள்ள மழைக்கால கூட்டத்தொடரில் அறிமுகப்படுத்தப்படலாம் என்று தகவல்கள் தெரிவிக்கின்றன.
நாடாளுமன்ற மழைக்கால கூட்டத்தொடர் வருகிற ஜூலை மாதம் தொடக்கம்:
நாடாளுமன்ற மழைக்கால கூட்டத்தொடர் வருகிற ஜூலை மாதம் நடைபெறலாம் என எதிர்பார்க்கப்படுகிறது. இதில் பல்வேறு சட்டத்திருத்தங்களை கொண்டு வர மத்திய அரசு தீவிரம் காட்டி வருகிறது.
காப்பீட்டுத் துறையில் அன்னிய நேரடி முதலீட்டை (FDI) 100% ஆக உயர்த்தும் சட்ட திருத்த மசோதா
அதில் முக்கியமாக காப்பீட்டுத் துறையில் அன்னிய நேரடி முதலீட்டை (FDI) 100% ஆக உயர்த்தும் சட்ட திருத்த மசோதா தயாராக உள்ளது. விரைவில் அமைச்சரவையின் ஒப்புதலுக்கு அனுப்பப்படும் என்று வட்டாரங்கள் தெரிவிக்கின்றன.
அமைச்சரவை ஒப்புதல் அளித்த பிறகு மசோதாவை நாடாளுமன்றத்தில் அறிமுகப்படுத்தும் பணி
அமைச்சரவை ஒப்புதல் அளித்த பிறகு, நிதி அமைச்சகத்தின் கீழ் உள்ள நிதி சேவைகள் துறை, மசோதாவை நாடாளுமன்றத்தில் அறிமுகப்படுத்தும் பணியை தொடங்கும். “மழைக்கால கூட்டத்தொடரில் இந்த மசோதாவை தாக்கல் செய்ய அமைச்சகம் நம்புகிறது” என்று அந்த வட்டாரங்கள் தெரிவித்தன. வழக்கமாக மழைக்கால கூட்டத்தொடர் ஜூலை மாதம் தொடங்கும்.
காப்பீட்டு நிறுவனங்களில் வெளிநாட்டு முதலீடு அதிகரிக்கும்
இந்த மசோதா நிறைவேற்றப்பட்டால் , காப்பீட்டு நிறுவனங்களில் வெளிநாட்டு முதலீடு அதிகரிக்கும். இதனால் , இந்திய காப்பீட்டுத் துறை மேலும் வளர்ச்சி அடையும். மேலும், புதிய வேலை வாய்ப்புகளும் உருவாகும். இந்த மசோதா குறித்து அரசு விரைவில் அதிகாரப்பூர்வ அறிவிப்பை வெளியிடும் என்று எதிர்பார்க்கப்படுகிறது .
எதிர்க்கட்சிகள் இந்த மசோதாவை எதிர்க்க தீவிரம்
இந்த மசோதாவை எதிர்க்க எதிர்க்கட்சிகளும் தீவிரம் காட்டி வருகின்றன. இதனை கொண்டு வந்தால் வருங்காலத்தில் பல்வேறு பிரச்சனைகள் சந்திக்க நேரிடும். இதனால் இந்த மசோதாவை கொண்டு வரக்கூடாது என்று பலரும் கருத்து தெரிவித்து வருகின்றனர் .