இளநீர் குடிக்கிறது நல்லதுதான் அதை எப்படி குடிக்கிறதுன்னு தெறிஞ்சுகோங்க

இளநீர். சத்தான இயற்கை பானங்களில் முக்கியமானது. வியர்வை அதிகரிக்கும் போது உடல் இழந்த எலக்ட்ரோலைட்டுகளை நிரப்பவும், புத்துணர்ச்சியூட்டவும் கோடையில் இளநீரை விரும்பினால் அதன் ஊட்டச்சத்து மதிப்பை அதிகரிக்க அதனுடன் எலுமிச்சை சியா விதைகள், தேன் புதினா போன்ற பொருள்களை சேர்க்கலாம். அப்படி சேர்ப்பதால் கிடைக்கும் நன்மைகள் என்ன என்பதை இங்கு தெரிந்துகொள்வோம்.

இளநீர்.அத்தியாசிய வைட்டமின்கள், பொட்டாசியம், மெக்னீசியம், சோடியம் போன்ற முக்கிய எலக்ட்ரோலைட்டுகளால் நிரம்பிய இயற்கையான புத்துணர்ச்சியூட்டும் பானம். கோடை காலத்தில் தாகம் தணிப்பதோடு புத்துணர்ச்சியூட்டும் பாலமாகவும் இவை செயல்படுகிறது. நீரேற்றமாக வைத்திருக்க செய்கிறது. இயற்கை ஹைட்ரேட் ஆக இருக்கும் இளநீருடன் அதன் ஊட்டச்சத்து மதிப்புகளை மேலும் அதிகரிக்க சேர்க்க வேண்டிய இயற்கை பொருள்கள் என்னென்ன என்பதை இங்கு பார்க்கலாம்.

இளநீர் மருத்துவ குணங்கள்

மருத்துவ ஆராய்ச்சி சர்வதேச இதழ் ஒன்றில் இளநீர் ரசாயனம் கலக்காதது. இவற்றில் கொழுப்பு மற்றும் கலோரிகள் குறைவாக உள்ளது. இதில் உள்ள இயற்கை சர்க்கரைகள் உடலுக்கு நல்லது. குறைந்த கலோரி மற்றும் அதிக ஆக்ஸிஜனேற்ற உள்ளடக்கமானது உடல் நச்சு நீக்கத்துக்கு உதவுவதோடு தோல் ஆரோக்கியத்தை மேம்படுத்த செய்கிறது. செரிமானத்தை மேம்படுத்துகிறது என்று கூறுகிறது. உடலில் இரத்த அழுத்தத்தை ஒழுங்குப்படுத்தவும் அமிலத்தன்மையை நிர்வகிக்கவும், எலக்ட்ரோலை சமநிலையை பராமரிக்கவும் இவை உதவுகிறது. இதன் ஊட்டச்சத்து மதிப்புகளை அதிகரிக்க தேங்காய் நீரில் சேர்க்க கூடிய இயற்கை பொருள்களும் உண்டு. அப்படியான் பொருள்கள் என்ன, எப்படி அதை பயன்படுத்துவது என்பதை பார்க்கலாம்.

இளநீருடன் எலுமிச்சை சாறு சேர்ப்பதன் நன்மைகள்

இளநீரில் நன்மைகள்: பொட்டாசியம், சோடியம், மெக்னீசியம் போன்ற எலக்ட்ரோலைட்டுகள் உள்ளன.

எலுமிச்சை சாறு நன்மைகள்: இந்த சாற்றில் வைட்டமின் சி மற்றும் நீரேற்றத்தை ஆதரிக்கும் என்சைம்கள் உள்ளன.

​
இரண்டும் இணையும் போது பெறும் நன்மைகள்
இளநீரில் எலுமிச்சை கலக்கும் போது, இவை உடலின் பிஹெச் அளவை சமநிலைப்படுத்தி அமிலத்தன்மையை குறைக்கிறது. எலுமிச்சை அமிலத்தன்மை கொண்டது என்றாலும் செரிமானத்துக்கு பிறகு காரத்தன்மை அதிகரிக்கும். இவற்றில் உள்ள பொட்டாசியம் மற்றும் வைட்டமின் சி ரத்த அழுத்தத்தை நிர்வகிக்க உதவுகிறது.

இளநீருடன் தேன் சேர்ப்பதன் நன்மைகள்

இளநீர் நன்மைகள்: இளநீர் பொட்டாசியம் மற்றும் மெக்னீசியம் போன்ற எலக்ட்ரோலைட்டுகள் கொண்டுள்ளன.

தேன் நன்மைகள்: தேனில் ஆற்றல் அதிகரிக்கும் இயற்கை சர்க்கரைகள் உள்ளன.

​
இரண்டும் இணையும் போது பெறும் நன்மைகள்
இளநீர் மற்றும் தேன் இரண்டும் இணைப்பது நோய் எதிர்ப்பு சக்தியை அதிகரிக்க செய்யும். தேனில் ஆக்ஸிஜனேற்றிகள் நொதிகள் மற்றூம் நுண்ணுயிர் எதிர்ப்பு பண்புகள் இளநீருடன் இணையும் போதுதொற்றுநோய்களை எதிர்த்து போராட செய்கிறது. தேனில் இருக்கும் ஆன் டி ஆக்ஸிடண்ட்கள் இரத்த அழுத்தத்தை குறைக்கிறது. உடல்ல் கொழுப்பின் அளவையும் மேம்படுத்துகிறது.

இளநீருடன் புதினா இலைகள் சேர்ப்பதன் நன்மைகள்

இளநீர் நன்மைகள்:
இளநீர் நச்சு நீக்கியாக செயல்படும் என்பதை அறிவோம். இது உடலை குளிர்வித்து செரிமானத்தை மேம்படுத்துகிறது.

​
புதினா நன்மைகள்:
புதினா செரிமான நொதிகளை மேம்படுத்துகிறது. இவை பாக்டீரியா எதிர்ப்பு, அழற்சி எதிர்ப்பு பண்புகள் கொண்டவை.

இரண்டும் இணையும் போது பெறும் நன்மைகள்:
இளநீருடன் புதினா இலைகள் சேர்ந்து கலந்து எடுக்கும் போது இது இலேசான எதிர்ப்பு சக்தியை அளிக்கிறது. வாய்வழி ஆரோக்கியத்தை அதிகரிக்கிறது. செரிமானம் சீராக்கி வீக்கம் மற்றும் வாயுவை குறைக்கிறது.

இளநீருடன் சியா விதைகள் சேர்ப்பதன் நன்மைகள்

இளநீர் நன்மைகள்: பொட்டாசியம் மற்றும் மெக்னீசியம் போன்ற எலக்ட்டோலைட்டுகள் உள்ளது. இது புத்துணர்ச்சியூட்டும் பானமாக உள்ளது. நீரேற்றமாக வைக்கும்.

​
சியா விதைகள் நன்மைகள்: சியா விதைகளில் நார்ச்சத்து , ஒமேகா 3 மற்றும் ஆக்ஸிஜனேற்றிகள் நிறைந்துள்ளன. இது வயிறு நிரம்ப உதவும். சியா விதைகள் தண்ணீரில் அதன் எடையை விட 10 மடங்கு வரை உறிஞ்சும், இது தாவர அடிப்பையிலான ஒமேகா 3 கொழுப்பு அமிலங்கள் கொண்டுள்ளன. இது இதயம் மற்றும் மூளை ஆரோக்கியத்துக்கு நன்மை செய்யும்.

​
இரண்டும் இணையும் போது பெறும் நன்மைகள்:
இளநீருடன் சியாவிதைகள் இணையும் போது இது சிறந்த அழற்சி எதிர்ப்பு மற்றும் உற்சாகமூட்டும் பானமகா இருக்கு. சியா விதைகளில் உள்ள கரையக்கூடிய நார்ச்சத்து நிறைந்துள்ளதால் குடல் ஆரோக்கியத்தை மேம்படுத்தி மலச்சிக்கலை தடுக்கிறது.

இளநீருடன் கருப்பு உப்பு சேர்ப்பதன் நன்மைகள்

இளநீர் நன்மைகள்:இளநீரில் பொட்டாசியம் மெக்னீசியம் நிறைந்துள்ளது.

கருப்பு உப்பு நன்மைகள்:இவற்றுல் சோடியம் மற்றும் இரும்பு மற்றும் கந்தகம் போன்ற தாதுக்கள் உள்ளது.

​
இரண்டும் இணையும் போது பெறும் நன்மைகள்
இது இரண்டும் இணையும் போது முழுமையான எலக்ட்ரோலைட் பானமாக உள்ளது. ஆயுர்வேதத்தின் படி கருப்பு உப்பு கார்மினேட்டிவ் பண்புகள் கொண்டது. இது பசியையும் வளர்சிதை மாற்றத்தையும் மேம்படுத்தும். இளநீருடன் இணைந்து ஒட்டுமொத்த செரிமான ஆரோக்கியத்தையும் மேம்படுத்தும்.


இளநீர் இயற்கையான ஊட்டச்சத்து பானம். இதை தனித்து எடுத்தாலே உடலுக்கு வேண்டிய ஊட்டச்சத்துக்களை பெறலாம். இந்நிலையில் மேலும் ஊட்டச்சத்துக்களை பெறுவதற்கு இதனுடன் என்ன பொருள்களை எப்படி சேர்த்து எடுக்க வேண்டு என்பதை இங்கு தெரிந்து கொண்டோம். இந்த கோடையில் முயற்சி செய்யுங்கள். உடல் குளிர்ச்சியாகவும் புத்துணர்ச்சியுடனும் இருக்கும்.